اسلام آباد:حج درخواستیں جمع نہ کروا پانے والے افراد کے لیے ایک اور موقع فراہم کر دیا گیا۔ آئندہ ہفتے سے حج درخواستوں کی وصولی کا عمل شروع ہو گا۔
ذرائع کے مطابق، وزارتِ مذہبی امور نے سرکاری حج اسکیم کے تحت باقی رہ جانے والے 5 ہزار کے کوٹے پر درخواستیں لینے کا اعلان کیا ہے۔
نئی درخواستوں پر قرعہ اندازی نہ کرنے کا فیصلہ کیا گیا ہے، اور کنفرم حج ٹکٹ "پہلے آئیے، پہلے پائیے” کی بنیاد پر دیا جائے گا۔
حج درخواستوں کی وصولی کے لیے 5 روز مقرر کرنے کی تجویز پر غور کیا جا رہا ہے۔
واضح رہے کہ اس سے قبل سرکاری حج اسکیم کے تحت مجموعی طور پر 81 ہزار 500 درخواستیں موصول ہوئی تھیں۔
