لاہور (نمائندہ خصوصی) – پنجاب حکومت نے عید الفطر کے موقع پر تعلیمی اداروں کی تعطیلات کا باضابطہ اعلان کر دیا ہے۔ وزیر تعلیم پنجاب کے مطابق، صوبے بھر کے تعلیمی ادارے 28 مارچ سے عید کی تعطیلات کے لیے بند ہوں گے۔
سیکرٹری اسکولز ایجوکیشن پنجاب خالد وٹو کے مطابق سرکاری اسکول 28 مارچ سے 6 اپریل تک بند رہیں گے۔ 4 اپریل کو سرکاری اسکولوں میں سالانہ نتائج کا اعلان کیا جائے گا جبکہ 7 اپریل سے نئے تعلیمی سال کا آغاز ہوگا، اور طلبہ نئی جماعتوں میں منتقل ہو جائیں گے۔
محکمہ موسمیات نے پیشن گوئی کی ہے کہ پاکستان میں عید الفطر 31 مارچ، بروز پیر کو ہونے کا امکان ہے۔ اس حساب سے تعلیمی اداروں میں عید کی چھٹیاں پورے 9 دن تک ہوں گی، جس میں ویک اینڈ بھی شامل ہے۔ طلبہ اور والدین کے لیے یہ اعلان خوشخبری ہے، کیونکہ انہیں عید کی تیاریوں اور جشن کے لیے مزید وقت مل جائے گا۔
