کراچی: کراچی واٹر اینڈ سیوریج کارپوریشن کے پانی اور سیوریج چارجز میں 7.05 فیصد اضافہ کردیا گیا ہے۔
سندھ حکومت نے مالی سال 2026-27 کے لیے کراچی واٹر اینڈ سیوریج کارپوریشن کے نظرثانی شدہ ٹیرف کی منظوری دے کر اس کا باضابطہ گزٹ نوٹیفکیشن جاری کردیا۔
نوٹیفکیشن کے مطابق نئے نرخوں کا اطلاق یکم جولائی 2026 سے ہوگا۔ پانی اور سیوریج کے نرخوں میں اضافہ اوسط کنزیومر پرائس انڈیکس (CPI) کی بنیاد پر کیا گیا ہے۔
کراچی واٹر اینڈ سیوریج کارپوریشن کے بورڈ نے مالی سال 2026-27 کے لیے ریٹیل اور بلک صارفین کے پانی اور سیوریج چارجز میں 7.05 فیصد اضافے کی منظوری دی تھی، جسے اب سندھ حکومت نے باضابطہ طور پر گزٹ کا حصہ بنا دیا ہے۔
نظرثانی شدہ ٹیرف کے تحت رہائشی پلاٹس کے لیے پانی اور سیوریج کے ماہانہ چارجز پلاٹ کے رقبے کے حساب سے مقرر کیے گئے ہیں، جبکہ مختلف اقسام کے کاروباری مراکز اور دکانوں کے لیے فکسڈ ماہانہ پانی و سیوریج چارجز بھی مقرر کیے گئے ہیں۔
واٹر کارپوریشن کے مطابق ٹیرف میں اضافے کا مقصد ادارے کے ریونیو بیس کو مضبوط بنانا اور شہر میں پانی کی فراہمی، سیوریج نظام کی دیکھ بھال، مرمت و بحالی سمیت دیگر شہری خدمات کے لیے مالی وسائل کو بہتر بنانا ہے۔
واضح رہے کہ واٹر بورڈ ایکٹ کے تحت واٹر کارپوریشن کو ہر سال نرخوں میں 7 فیصد تک اضافہ کرنے کی اجازت حاصل ہے، جس کے تحت تقریباً ہر سال ٹیرف میں اضافہ کیا جاتا ہے۔
آبنائے ہرمز میں آمدورفت معطل، عالمی تیل ذخائر پر دباؤ بڑھنے کا خدشہ واشنگٹن: امریکی میڈیا کے مطابق ماہرین نے…
ٹرمپ کا دعویٰ: ایران تباہ ہوچکا، اب مشرق وسطیٰ کا بدمعاش نہیں رہا واشنگٹن: امریکی صدر ڈونلڈ ٹرمپ نے ایران…
بجلی فی یونٹ 3 ماہ تک 1.34 روپے مہنگی ہونے کا امکان اسلام آباد: سہ ماہی ایڈجسٹمنٹ کے تحت بجلی…
ملتان کی پروازوں میں ریکارڈ اضافہ، ایک روز میں 37 فلائٹس آپریٹ ملتان: جنوبی پنجاب کے مرکزی شہر ملتان کی…