سرکاری معالجین عمران خان کا چیک اپ کرتے ہیں، ایک آنکھ تقریباً نارمل ہوچکی ہے: سپرنٹنڈنٹ اڈیالاجیل کی رپورٹ

عمران خان کی صحت اور ملاقاتوں سے متعلق اڈیالہ جیل کی رپورٹ سپریم کورٹ میں جمع

اسلام آباد: سپرنٹنڈنٹ اڈیالہ جیل کی جانب سے سپریم کورٹ میں جمع کرائی گئی دو صفحات پر مشتمل رپورٹ میں بتایا گیا ہے کہ متعدد سرکاری معالجین بانی پی ٹی آئی عمران خان کا باقاعدگی سے طبی معائنہ کرتے ہیں۔

رپورٹ میں عمران خان کی صحت اور جیل میں ملاقاتوں سے متعلق تفصیلات فراہم کی گئی ہیں۔ رپورٹ کے مطابق بانی پی ٹی آئی اور ان کی اہلیہ کی ہر منگل کو جیل رولز کے تحت باقاعدگی سے ملاقات کرائی جاتی ہے، جبکہ اب تک دونوں کی 84 ملاقاتیں ہوچکی ہیں۔

رپورٹ میں سلمان اکرم راجہ کی جانب سے ہائیکورٹ میں دی گئی یقین دہانی کا حوالہ بھی دیا گیا، جس میں کہا گیا تھا کہ ملاقات کے بعد جیل احاطے میں میڈیا سے گفتگو نہیں کی جائے گی۔ تاہم رپورٹ کے مطابق عدالتی حکم کے باوجود میڈیا ٹاک کی گئی۔

سپرنٹنڈنٹ اڈیالہ جیل کی رپورٹ میں کہا گیا کہ اسلام آباد ہائیکورٹ کا سنگل بینچ شیرافضل کیس میں جیل رولز 265 کو خلافِ قانون قرار دے چکا ہے۔ رپورٹ کے مطابق جیل میں ملاقاتوں کے ذریعے عدلیہ، فارن پالیسی اور قانون نافذ کرنے والے اداروں کے خلاف عوامی جذبات ابھارنے کی کوشش کی گئی۔

رپورٹ کے مطابق جیل کے میڈیکل افسران عمران خان کے کھانے پینے کی دن میں تین مرتبہ جانچ اور طبی معائنہ کرتے ہیں، جبکہ متعدد سرکاری معالجین بھی ان کا چیک اپ کرتے ہیں جس کا ریکارڈ موجود ہے۔

رپورٹ میں بتایا گیا کہ 4 نومبر 2023 سے 10 اگست 2026 تک مختلف طبی ماہرین کی جانب سے عمران خان کے 39 طبی معائنے کیے گئے، جن کی سمری بھی رپورٹ کا حصہ ہے۔

رپورٹ کے مطابق ماہر امراض چشم سے بھی عمران خان کی آنکھ کا علاج کرایا جاتا رہا ہے اور ان کی ایک آنکھ تقریباً نارمل ہوچکی ہے۔

واضح رہے کہ سپریم کورٹ کا تین رکنی بینچ، جسٹس شاہد وحید کی سربراہی میں، عمران خان کی صحت اور ملاقاتوں سے متعلق کیس کی سماعت کرے گا۔

web

Recent Posts

اسلام آباد: وزیراعظم شہباز شریف نے پیٹرولیم مصنوعات پر عوام کو ریلیف فراہم نہ کرنے والے پیٹرول پمپس کے خلاف کارروائی کی ہدایت کردی۔

  وفاقی کابینہ کے اجلاس سے خطاب کرتے ہوئے وزیراعظم شہباز شریف نے کہا کہ بعض پیٹرول پمپس کی جانب…

2 ہفتے ago

اسلام آباد: سابق سینیٹر مشتاق احمد کی اہلیہ حمیرا طیبہ نے فیملی کورٹ سے خلع حاصل کرلی، عدالت نے نکاح ختم کرنے کی ڈگری جاری کردی۔

  ڈسٹرکٹ اینڈ سیشن کورٹ اسلام آباد کی فیملی کورٹ کی جج امبرین اقبال نے حمیرا طیبہ کے حق میں…

2 ہفتے ago

اسلام آباد: حکومت نے انسداد دہشت گردی کے لیے انٹیلی جنس بنیادوں پر آپریشنز کا دائرہ کار بڑھانے کا فیصلہ کرلیا۔

  وزیراعظم شہباز شریف کی زیر صدارت قومی اور داخلی سلامتی سے متعلق اہم اجلاس ہوا، جس میں خیبرپختونخوا کے…

2 ہفتے ago

  آئی جی سندھ جاوید عالم اوڈھو کے مطابق صوبے میں ڈکیتی مزاحمت کے دوران قتل کے واقعات میں 17…

2 ہفتے ago