چیمپئنز ٹرافی :بھارتی کرکٹ ٹیم کاپاکستان نہ آنے کاامکان

چیمپئنز ٹرافی :بھارتی کرکٹ ٹیم کاپاکستان نہ آنے کاامکان
بھارتی میڈیا کی جانب سے دعویٰ کیا جارہا ہے کہ بھارتی کرکٹ ٹیم چیمپئنز ٹرافی 2025 کھیلنے کیلئے پاکستان نہیں جائے گی اور ہائبرڈ ماڈل کے تحت چیمپنز ٹرافی کے
کچھ میچ دوسرےممالک میں کھیلے جائینگے۔بھارت کرکٹ ٹیم کا چیمپئنز ٹرافی 2025 کیلئے دورہ پاکستان کا کوئی امکان نہیں ۔اس حوالے سے بھارتی کرکٹ بورڈ (بی سی سی آئی) کے ذرائع نے اے این آئی سے بات کرتے ہوئے کہاکہ انڈین بورڈ انٹرنیشنل کرکٹ کونسل سے ہائبرڈ باڈل کے تحت چیمپئنز ٹرافی کے کچھ میچ عرب امارات یا سری لنکا میں کروانے کاکہے گاآئی سی سی ون ڈے ورلڈکپ 1996 اور 2008 کے ایشیاء کپ کے بعد پاکستان کو عرصے بعد پہلی بار چیمپئنز ٹرافی کی میزبانی ملی ہے جو 19 فروری سے 19 مارچ تک پاکستان کے شہر کراچی، لاہور اور راولپنڈی میں کروائے جائینگے۔پاکستان نے سکیورٹی خدشات کے باعث سے انڈیاکے تمام میچ ایک ہی شہر لاہور میں رکھنے کا فیصلہ کیا واہگہ بارڈر کی وجہ سے میچ رکھے گئے تاکہ بھارتی شہری میچز میں آسانی سے شرکت کرسکیںتاہم، چیمپئنز ٹرافی 2025 میں بھارت کی شمولیت اب بھی سوالیہ نشان ہے، بھارتی کرکٹ بورڈ (بی سی سی آئی) نے دورہ پاکستان کا فیصلہ بھارتی حکومت پر چھوڑا ہوا ہے اور بھارتی حکومت کی جانب سے اس بارے میں فی الحال کوئی فیصلہ نہیں کیا گیا ہے۔چیئرمین پی سی بی محسن نقوی واضح طور پر کہہ چکے ہیں کہ چیمپئنز ٹرافی 2025 کی میزبانی پاکستان ہی کرے گا اور تمام میچ پاکستان میں ہی ہوں گے جبکہ بھارتی ٹیم کا پاکستان آنے یا نہ آنے کا معاملہ قبل از وقت ہے، پاکستان میں باہر سے بھی ٹیمیں آئیں گی اور چیمپئنز ٹرافی پاکستان میں ہی ہوگی۔بھارت نے ایشیا کپ 2008 کے بعد سے پاکستان میں کوئی میچ نہیں کھیلا،۔گزشتہ سال بھی ایشیا کپ کی میزبانی پاکستان کو ملی تھی لیکن بھارت نے پاکستان آنے سے صاف انکار کردیا تھا جس کے بعد ہائبرڈ ماڈل کے تحت بھارت کے تمام میچز سری لنکا میں شیڈول کیے گئے تھے، جہاں کولمبو میں کھیلے گئے فائنل میں بھارت نے آسانی سے سری لنکا کو شکست دے کر ٹائٹل اپنے نام کرلیا تھا۔واضح رہے کہ پاکستان اس چیمپئنز ٹرافی میں دفاعی چیمپئن کے طور پر شریک ہوگا، آخری بار چیمپئنز ٹرافی 2017 میں ہوئی تھی جو پاکستان نے سرفراز احمد کی قیادت میں جیتی تھی۔