آئی سی سی ون ڈے ٹیم آف دی ایئر 2024؛ تین پاکستانی کھلاڑیوں نے جگہ بنالی
انٹرنیشنل کرکٹ کونسل (آئی سی سی) نے 2024 کی ون ڈے ٹیم آف دی ایئر کا اعلان کیا ہے، جس میں پاکستان کے تین کھلاڑیوں کو شامل کیا گیا ہے۔
پاکستان کی نمائندگی کرنے والے کھلاڑیوں میں اوپنر صائم ایوب، تیز گیند باز شاہین شاہ آفریدی، اور حارث رؤف شامل ہیں، جنہوں نے شاندار کارکردگی کی بدولت یہ مقام حاصل کیا۔
سری لنکا کے چار کھلاڑی شامل
اس ٹیم میں سری لنکا کے چار کھلاڑیوں کو منتخب کیا گیا ہے۔ چیرتھ اسالنکا کو ٹیم کا کپتان بنایا گیا ہے، جبکہ وکٹ کیپنگ کی ذمہ داری کوشل مینڈس ادا کریں گے۔ مڈل آرڈر بیٹنگ میں سری لنکا کے پاتھم نسانکا اور اسپن بالنگ کے شعبے میں ونندو ہسرنگا بھی اس ٹیم کا حصہ ہیں۔
افغانستان کے تین کھلاڑیوں کی شمولیت
افغانستان کے تین کھلاڑی بھی اس ٹیم کا حصہ بنے ہیں، جن میں رحمان اللہ گرباز، عظمت عمرزئی، اور اے ایم غضنفر شامل ہیں۔
بڑی ٹیموں کے کھلاڑی ٹیم سے باہر
حیران کن طور پر بھارت، آسٹریلیا، نیوزی لینڈ، جنوبی افریقا، اور بنگلادیش جیسی بڑی ٹیموں کے کسی کھلاڑی کو ٹیم آف دی ایئر میں شامل نہیں کیا گیا۔
یہ ٹیم آئی سی سی نے سال 2024 کے دوران بہترین کارکردگی دکھانے والے کھلاڑیوں کی بنیاد پر منتخب کی ہے۔
