قومی کرکٹ ٹیم کا آئی سی سی چیمپئنز ٹرافی اور سہ ملکی سیریز کے لیے اسکواڈ رواں ہفتے متوقع ہے۔
میڈیا رپورٹس کے مطابق، سلیکشن کمیٹی نے پہلے ہی ویسٹ انڈیز کے خلاف ٹیسٹ سیریز کے دوران ابتدائی مشاورت مکمل کرلی تھی۔ اب چیئرمین پی سی بی محسن نقوی کی حتمی منظوری کے بعد اسکواڈ کا اعلان جلد متوقع ہے۔
8 فروری سے شروع ہونے والی سہ ملکی ون ڈے سیریز کے لیے منتخب ہونے والے کھلاڑی ہی چیمپئنز ٹرافی میں پاکستان کی نمائندگی کریں گے۔
پاکستان کرکٹ بورڈ (پی سی بی) کے مطابق، آئی سی سی قوانین کے تحت 11 فروری تک حتمی اسکواڈ کا اعلان کیا جا سکتا ہے۔ اس کے بعد کسی بھی تبدیلی کے لیے انٹرنیشنل کرکٹ کونسل (آئی سی سی) کی اجازت درکار ہوگی۔
اسکواڈ کے اعلان میں تاخیر کی بڑی وجہ اوپنر صائم ایوب کی انجری اور ان کی میڈیکل رپورٹس تھیں۔ پی سی بی نے ان کی فٹنس کی مکمل رپورٹس کا انتظار کیا، تاہم ذرائع کا کہنا ہے کہ ان کی ٹیم میں شمولیت کے امکانات تقریباً ختم ہو چکے ہیں۔ اسی وجہ سے اب اسکواڈ کا اعلان جلد متوقع ہے۔
قبل ازیں، رپورٹس میں کہا گیا تھا کہ پاکستان نے چیمپئنز ٹرافی کے لیے 20 سے زائد کھلاڑیوں پر مشتمل ابتدائی اسکواڈ جمع کروا دیا تھا، جس میں صائم ایوب کا نام بھی شامل تھا۔
ابتدائی اسکواڈ میں شامل کھلاڑی:
رپورٹس کے مطابق، صائم ایوب کے علاوہ، عبداللہ شفیق اور عثمان خان کی حتمی اسکواڈ میں شمولیت کے امکانات کم ہیں۔
واضح رہے کہ پاکستان، نیوزی لینڈ اور جنوبی افریقا پر مشتمل سہ ملکی سیریز کا پہلا میچ 8 فروری کو پاکستان اور نیوزی لینڈ کے درمیان کھیلا جائے گا۔
عام طور پر کتوں کو وفاداری کی علامت سمجھا جاتا ہے، لیکن جنوبی امریکی ملک بولیویا میں ایک مرغے…
لاہور میں انسولین کے بعد انفلوئنزا (فلو) سے بچاؤ کی ویکسین بھی مارکیٹ سے غائب ہوگئی، جبکہ دستیاب ویکسین…
کیا آپ جانتے ہیں کہ دنیا کی سب سے طویل ٹرین کس ملک سے تعلق رکھتی ہے؟ جنوبی افریقا…
ایپل نے رواں سال اسٹینڈرڈ آئی فون 18 اور آئی فون ایئر 2 متعارف نہیں کرائے، تاہم نئی لیک…
ملتان: 15 سالہ وسیم عباس کی کار سے کچلے جانے کے بعد غیر رجسٹرڈ یتیم خانے کے خلاف کارروائی ملتان…
کراچی: ایچ آئی وی سے متاثرہ 157 بچوں کی ماؤں کو ماہانہ 40 ہزار روپے امداد دینے کا عمل شروع…