تین سو گیارہ برس پرانا وائلن ایک کروڑ 13 لاکھ ڈالر میں نیلام

نیویارک میں 311 برس پرانا وائلن ایک کروڑ 13 لاکھ ڈالر میں نیلام ہوا۔ یہ وائلن 1714 میں اٹلی کے مشہور کاریگر انتونیو استرا دیواری نے تیار کیا تھا اور اس کی نیلامی نیویارک کے سوتھبیز نیلام گھر میں ہوئی۔ یہ وائلن بوسٹن کے نیو انگلینڈ کنزرویٹری میوزک اسکول کی ملکیت تھا۔ اس سے قبل 2011 میں استرا دیواری کا ایک اور وائلن "لیڈی بلنٹ” ایک کروڑ 59 لاکھ ڈالر میں نیلام ہوا تھا، جو اب تک نیلام ہونے والا سب سے مہنگا وائلن سمجھا جاتا ہے۔