بچے کی ذہانت ماں سے وراثت میں ملتی ہے یا باپ سے؟ طبی سائنس کی دلچسپ تحقیق
لاہور:جدید سائنسی تحقیق کے مطابق، ہر انسان کے پاس 20 ہزار جینز کا جینیاتی کوڈ موجود ہوتا ہے، جو اس کی شخصیت اور جسمانی خصوصیات کو تشکیل دیتا ہے۔
یہ جینیاتی کوڈ طے کرتا ہے کہ کسی شخص کی آنکھوں اور بالوں کا رنگ کیا ہوگا، وہ ذہین ہوگا یا نہیں، اور کن بیماریوں کا شکار ہو سکتا ہے۔ بچے کو اپنے ماں اور باپ دونوں سے برابر جینز وراثت میں ملتے ہیں، مگر کچھ جینز زیادہ اثر انداز ہوتے ہیں۔
ماہرین نے دریافت کیا ہے کہ بچے کی ذہانت زیادہ تر ماں سے منتقل ہوتی ہے، کیونکہ ذہانت سے متعلق جینز ماں کے دو ایکس کروموزومز کے ذریعے آتے ہیں، جبکہ باپ سے صرف ایک کروموزوم آتا ہے۔ اس لیے اگر ماں ذہین ہو تو بچے کے ذہین ہونے کے امکانات بڑھ جاتے ہیں۔
یہ تحقیق اس بات کی وضاحت کرتی ہے کہ والدین سے وراثتی جینز بچوں کی ذہنی صلاحیتوں اور شخصیت پر کس حد تک اثر ڈالتے ہیں۔
