بائیڈن نے دنیا میں جمہوریت کے چیمپئن ہونے کا ثبوت دیا ہے: ہیلری کلنٹن

بائیڈن نے دنیا میں جمہوریت کے چیمپئن ہونے کا ثبوت دیا ہے: ہیلری کلنٹن

ڈیموکریٹک پارٹی کے نیشنل کنونشن کا شکاگو میں آغاز ہو چکا ہے، جہاں اہم پارٹی رہنماؤں نے خطاب کیا ہے۔ اس موقع پر امریکا کی سابق خاتون اول ہیلری کلنٹن نے صدر جو بائیڈن کی خدمات کو سراہتے ہوئے کہا کہ بائیڈن نے اندرون اور بیرون ملک جمہوریت کے فروغ میں اہم کردار ادا کیا ہے۔

ہیلری کلنٹن نے اپنے خطاب میں جو بائیڈن کا شکریہ ادا کرتے ہوئے کہا کہ انہوں نے وائٹ ہاؤس میں وقار، شائستگی، اور قابلیت کو واپس لایا ہے، اور یہ دکھایا ہے کہ حقیقی محب وطن ہونے کا مطلب کیا ہے۔ ان کا کہنا تھا کہ بائیڈن نے امریکا کی قیادت کو عالمی سطح پر مضبوط اور مستحکم کیا ہے۔

کنونشن میں امریکا بھر سے ڈیلی گیٹس اور دیگر اہم پارٹی رہنما شریک ہیں، اور آج کے سیشن میں صدر جو بائیڈن بھی ڈیموکریٹک صدارتی امیدوار کملا ہیرس کے حق میں ایک اہم تقریر کریں گے۔