سلمان خان پہلی بار تیلگو فلم ’گاڈ فادر‘ میں کام کریں گے

ممبئی(ویب ڈیسک) انڈین میوزک کمپوزر ایس تھمن نے تصدیق کی ہے کہ دبنگ اداکار فلم گاڈ فادر میں کام کریں گے جس کے بعد سے سلمان خان کے مداح کلاؤڈ نائن پر ہیں۔

آؤٹ لک کی رپورٹ کے مطابق، سلمان خان کو چرنجیوی کے ساتھ آنے والی فلم میں ڈانس نمبر کے لیے شامل کیا گیا ہے۔

سلمان خان کی کسی تیلگو فلم میں یہ پہلی ہے ۔

میوزک کمپوزر ایس تھمن نے کہا ہے کہ ، “یہاں سلمان خان سر اور چرنجیوی سر ایک ساتھ ڈانس کر رہے ہیں، تو یہ ہمارے لیے واقعی بڑا ایونٹ ثابت ہو گا۔”

دریں اثنا،ایسی افواہیں بھی چل رہی تھیں کہ فلم میں برٹنی سپیئرز بھی شامل ہوں گی.

رپورٹوں کے جواب میں، تھمن نے کہا، “ہم ڈیل کے آغاز کے قریب پہنچ رہے ہیں۔ یہ صرف ابتدائی خطوط پر ہے۔ ہم کچھ بھی کرنے سے پہلے دستاویزات کو مضبوط بنا رہے ہیں۔

“فی الحال ہمارے پاس ابھی تک ان (برٹنی سپیئرز) کو تیلگو گانا گانا یا فلم کے لیے انگریزی گانا کرنے کے بارے میں مناسب وضاحت نہیں ہے۔”

موسیقار نے یہ بھی انکشاف کیا کہ وہ تعاون کو حتمی شکل دینے کے لیے دسمبر میں امریکی گلوکاروں کے ایجنٹوں سے ملاقات کریں گے۔