معروف سوشل میڈیا چائلڈ سٹار احمد شاہ کی چھوٹی بہن انتقال کر گئی

پاکستان کے معروف سوشل میڈیا چائلڈ سٹار احمد شاہ کی چھوٹی بہن انتقال کر گئیں۔ احمد شاہ کے آفیشل انسٹاگرام اکاوْنٹ پر اُن کے مداحوں کے لیے افسوسناک خبر شیئر کی گئی جس میں بتایا گیا کہ اُن کی چھوٹی بہن عائشہ انتقال کرگئی ہیں۔

انسٹاگرام اسٹوری میں کہا گیا کہ “بےشک ہمیں اللہ کی طرف ہی لوٹ کر جانا ہے، آپ سب ہماری عائشہ کی مغفرت کے لیے دُعا کریں۔ دوسری جانب پاکستان کے معروف صحافی و میزبان وسیم بادامی نے بھی اپنے انسٹاگرام اکاوْنٹ پر احمد شاہ کی بہن عائشہ کے انتقال کی خبر کی تصدیق کی۔

احمد شاہ پاکستان کے انتہائی معروف سوشل میڈیا سٹار ہیں جنہیں چند سال قبل اس وقت فیم ملا جب انکی ایک ویڈیو وائرل ہوئی جس میں وہ ویڈیو بنانے والو کے سوالوں کا بہت حاضر دماغی سے جواب دے رہے تھے اور اچانک انہوں نے بولا “پیچھے تو دیکھو”۔ یہ ڈائیلاگ اتنا وائرل ہوا کہ زبان زدعام ہو گیا۔

اس کے بعد احمد شاہ نے سوشل میڈیا پر کانٹینٹ بنانا شروع کیا اور مشہور ہوتے گئے۔ انکی شھوٹی بہن بھی ان کے ساتھ مختلف ویڈیوز میں نظر آتی تھی اور اب وہ انتقال کر گئی ہیں۔