چھاتی کے کینسر سے لڑتی حنا خان کے زخمیوں کی تصاویر وائرل

چھاتی کے کینسر سے لڑتی حنا خان کے زخمیوں کی تصاویر وائرل

ممبئی: چھاتی کے کینسر کے ساتھ بہادری سے لڑنے والی بھارتی ٹیلی وژن انڈسٹری کی معروف اداکارہ حنا خان نے اپنی تازہ زخموں کی تصاویر سوشل میڈیا پر شیئر کر دیں۔
حنا خان نے اپنے آفیشل انسٹاگرام ہینڈل پر چند نئی تصاویر پوسٹ کیں جن میں ان کے سر کے بال چھوٹے نظر آ رہے ہیں اور ان کی گردن اور جسم پر موجود تازہ زخموں کے نشان بھی واضح طور پر دیکھے جا سکتے ہیں۔یہ زخموں کے نشان حنا خان کے کینسر کے علاج کے دوران آئے ہیں۔
انہوں نے یہ تصاویر اس لیے پوسٹ کی ہیں تاکہ وہ اس جان لیوا مرض میں مبتلا دیگر مریضوں کی ہمت بڑھا سکیں۔کینسر کی تشخیص کے باوجود، چہرے پر مسکراہٹ سجائے بھارتی اداکارہ نے اپنی پوسٹ میں اپنے چاہنے والوں سے سوال کیا کہ آپ کو ان تصاویر میں کیا نظر آ رہا ہے؟ میرے جسم کے نشانات یا میری آنکھوں میں امید؟حنا خان نے کہا کہ یہ نشانات میرے ہیں، میں نے انہیں پیار سے گلے لگایا ہے کیونکہ یہ میری جیت کی پہلی نشانی ہے جس کی میں حقدار ہوں۔
انہوں نے کہا کہ میری آنکھوں میں امید میری روح کا عکس ہے، مجھے اندھیرے میں بھی امید کی کرن نظر آ رہی ہے جو میری شفایابی کو ظاہر کر رہی ہے۔بھارتی اداکارہ نے مزید کہا کہ مجھے یقین ہے کہ میں صحت یاب ہو جاؤں گی، میں اپنے لیے اور آپ سب کے لیے بھی دعاگو ہوں۔
حنا خان نے 28 جون کو اپنی انسٹاگرام پوسٹ میں بتایا تھا کہ وہ چھاتی کے کینسر کے مرض میں مبتلا ہو چکی ہیں۔