پاکستان نے آئی سی سی چیمپیئنز ٹرافی کے لیے ابتدائی اسکواڈ جمع کروا دیا ہے، جس میں 20 سے زیادہ کھلاڑی شامل ہیں۔
ذرائع کے مطابق سلیکشن کمیٹی نے یہ اسکواڈ دو دن پہلے آئی سی سی کو بھیج دیا ہے، اور اس میں اوپنر صائم ایوب کا نام بھی شامل ہے۔
ابتدائی اسکواڈ میں کپتان محمد رضوان، بابر اعظم، طیب طاہر، عرفان خان نیازی، سفیان مقیم، محمد حسنین، عبداللہ شفیق، نسیم شاہ، عثمان خان، شاہین شاہ آفریدی، حارث روف، ابرار احمد، کامران غلام، سلمان علی آغا، امام الحق، فخر زمان، حسیب اللہ اور عباس آفریدی شامل ہیں۔
چیمپیئنز ٹرافی کے حتمی اسکواڈ کا اعلان 10 فروری کو متوقع ہے۔ حتمی اسکواڈ میں چند تبدیلیاں متوقع ہیں، اور اوپنر عبداللہ شفیق اور عثمان خان کی شمولیت کے امکانات کم ہیں۔
