بھارتی وزیر اور اداکارہ نے مدینہ کا دورہ کیا

بھارتی وزیر اور اداکارہ نے مدینہ کا دورہ کیا۔ بھارتی میڈیا کے مطابق سعودی عرب کے دورے میں  اداکارہ سمرتی ایرانی کے ہمراہ وزیر مملکت برائے امور خارجہ و پارلیمانی امور وی مرلی دھرن بھی اعلیٰ حکام سمیت  موجود ہیں۔بتایا گیا کہ بھارتی وفد نے سعودی حکام سے ملاقات میں حج 2024 سے متعلق ویزہ پالیسی اور سہولیات سے متعلق تبادلہ خیال کیا۔ تفصیلات کے مطابق دونوں ممالک کے درمیان اس حوالے سے ایک معاہدہ بھی طے پایا ہے۔

معاہدے کے مطابق طے پایا ہے کہ  بھارت کا حج کوٹا 1 لاکھ 75 ہزار اور 25 ہے جن میں سے  35 ہزار 5 عازمین حج گروپ آپریٹرز جب کہ ایک لاکھ 40 ہزار 20 حج کمیٹی آف انڈیا کے ذریعے سفر مقدس طے کریں گے۔بھارتی اداکارہ سمرتی ایرانی نے  دورہ کی تصاویر سوشل میڈیا پر بھی شئیر کیں اور لکھا کہ مدینے کے مقدس مقامات کا دورہ  میرے لیے تاریخی سفر تھا۔  انہوں نے کہا کہ مدینہ اسلام کے مقدس ترین شہروں میں سے ایک ہے جس میں مسجد نبوی، احد کے پہاڑ اور اسلام کی پہلی مسجد قبا ہے جن کے اطراف کا دورہ کیا۔تفصیلات کے مطابق سمرتی ایرانی نے سعودی حکام کے شکریہ ادا کیا۔