فرانسیسی صدر اور وزیر کھیل کے بوسے نے سوشل میڈیا پر ہلچل مچادی

فرانسیسی صدر اور وزیر کھیل کے بوسے نے سوشل میڈیا پر ہلچل مچادی

پیرس: اولمپکس کی افتتاحی تقریب کے دوران فرانسیسی وزیر کھیل ایمیلی اوڈیا-کاسٹیرا کی صدر ایمانوئل میکرون کی گردن کے قریب بوسہ لینے کی تصویر نے سوشل میڈیا پر بھونچال پیدا کردیا ہے۔

تقریب کے دوران، اوڈیا-کاسٹیرا کو صدر میکرون کی گردن کے گرد اپنا ہاتھ رکھتے اور ان کے کان کے نیچے بوسہ دیتے ہوئے دیکھا گیا۔ یہ تصویر جب پہلی بار فرانسیسی میگزین ‘مادام فگارو’ نے شائع کی تو صارفین نے اس انداز پر فوری طور پر تبصرے شروع کر دیے۔

سوشل میڈیا پر مختلف ردعمل دیکھنے میں آئے۔ کچھ صارفین نے اس عمل کو عجیب اور غیر مناسب قرار دیا جبکہ دیگر نے اسے ایک معمولی بات کہہ کر مسترد کر دیا۔ کچھ صارفین نے دعویٰ کیا کہ وزیر کھیل توجہ حاصل کرنے کی کوشش کر رہی تھیں، جب کہ کچھ نے کہا کہ ایمیلی اوڈیا-کاسٹیرا اکثر اسی طرح کے جذباتی لمحات میں شامل ہوتی ہیں۔

دوسری جانب، کچھ صارفین نے فرانسیسی ثقافت کا حوالہ دیتے ہوئے کہا کہ سلام کرتے ہوئے بوسہ دینے کی روایت موجود ہے، اور اس عمل کو بڑھا چڑھا کر پیش کرنا مناسب نہیں۔ انہوں نے کہا کہ ایمیلی اوڈیا-کاسٹیرا صرف اولمپکس کی میزبانی کے حوالے سے پرجوش تھیں۔

یہ واقعہ ایک یاد دہانی ہے کہ عوامی شخصیات کے ہر عمل کو نہایت قریب سے دیکھا اور پرکھا جاتا ہے، اور بعض اوقات اس کی تشریح مختلف زاویوں سے کی جاتی ہے۔