بنگلا دیش نے بھارت کے ساتھ انٹرنیٹ معاہدہ ختم کر دیا
ڈھاکا: بنگلا دیش کی انٹرنیٹ ریگولیٹری اتھارٹی نے بھارت کے ساتھ انٹرنیٹ بینڈوتھ فراہم کرنے کا معاہدہ ختم کر دیا ہے۔ حکام کا کہنا ہے کہ اس معاہدے سے کوئی خاص معاشی فائدہ نہیں ہو رہا تھا، اس لیے اسے منسوخ کر دیا گیا۔
غیر ملکی رپورٹوں کے مطابق، یہ معاہدہ بھارت کی شمال مشرقی ریاستوں میں انٹرنیٹ سروس بہتر بنانے کے لیے تھا۔ بنگلا دیش نے بھارت کو بینڈوتھ فراہم کرنے کے لیے ایک ٹرانزٹ پوائنٹ کا کردار ادا کرنا تھا۔
حکومت کے نمائندے کے مطابق، یہ فیصلہ اس لیے کیا گیا کیونکہ معاہدہ بنگلا دیش کے لیے فائدہ مند نہیں تھا۔
ماہرین کا کہنا ہے کہ اس فیصلے سے بھارت کی شمال مشرقی ریاستوں میں انٹرنیٹ سروس متاثر ہو سکتی ہے، اور وہاں انٹرنیٹ کی رفتار کم ہونے کا خدشہ ہے۔ یہ معاہدہ بھارت کے دور دراز علاقوں میں ڈیجیٹل رابطے بہتر بنانے کے لیے اہم سمجھا جاتا تھا۔
