وسطی امریکی ملک ہنڈراس کے ساحلی علاقے میں ایک مسافر طیارہ سمندر میں گر کر تباہ ہوگیا، جس کے نتیجے میں مشہور موسیقار اوریلیو مارٹینیز سویز سمیت 12 افراد ہلاک ہو گئے۔
خبر ایجنسی رائٹرز کے مطابق، طیارہ روٹین آئس لینڈ سے پرواز بھرنے کے چند منٹ بعد حادثے کا شکار ہوگیا۔ حکام کا کہنا ہے کہ 5 افراد کو بچا لیا گیا جبکہ ایک مسافر تاحال لاپتہ ہے۔ ہنڈراس کے وزیر ٹرانسپورٹ کے مطابق، ایئرلائن کا طیارہ لانشا کا ملبہ ساحل سے تقریباً ایک کلومیٹر کے فاصلے پر ملا ہے۔
فائرفائٹرز کا کہنا ہے کہ تمام متاثرین کو نکالنے تک ریسکیو آپریشن جاری رہے گا، اور امید ہے کہ موسم کی صورتحال بہتر رہے گی۔ مسافروں میں امریکی اور فرانسیسی شہریوں کے ساتھ دو بچے بھی شامل تھے، اور یہ پرواز لاسیبا ایئرپورٹ جا رہی تھی۔
حادثے کے زخمیوں کو قریبی اسپتال منتقل کر دیا گیا ہے جبکہ طیارہ حادثے کی وجوہات کا تاحال تعین نہیں ہو سکا۔ ایئرلائن کی جانب سے بھی کوئی سرکاری بیان جاری نہیں کیا گیا
