بہتری کی گنجائش ہمیشہ موجود رہتی ہے،بابراعظم

ڈھاکہ(ویب ڈیسک) میچ کے بعد کی بریفنگ میں، پاکستان کے کپتان بابر اعظم نے بنگلہ دیش کے خلاف ٹی ٹونٹی سیریز کے دوران اسٹیڈیم میں ڈھاکا کے ہجوم کی تعریف کرتے ہوئے کہا کہ وہ اسٹیڈیم کو لوگوں سے بھرا دیکھ کر بہت پرجوش ہیں جو کورونا کی وجہ سے مسلط پابندیوں کی وجہ سے تفریح سے محروم تھے۔

ڈھاکہ میں پیر کو کھیلے گئے تین میچوں کی سیریز کے آخری میچ میں پاکستان نے بنگلہ دیش کو ٹی ٹوئنٹی سیریز میں پانچ وکٹوں سے شکست دے دی تھی۔

کپتان نے کہا کہ “اپنی غلطیوں کو سمجھنا اور ان سے سیکھنا کھیل جیتنے کے لیے بہت ضروری ہے۔”

ان کا خیال ہے کہ پاکستان کی فیلڈنگ اور لوئر مڈل آرڈر میں بہتری کی ضرورت ہے۔

بابراعظم نے ریمارکس دیتے ہوئے کہا کہ “اسکواڈ کی فیلڈنگ کارکردگی میں حالیہ مہینوں میں بہت بہتری آئی ہے، اور لوئر مڈل آرڈر نے بھی ہمیں میچز جتوائے ہیں۔” “تاہم، کرکٹ اچھے اور برے دنوں کا کھیل ہے، اور ٹیم کو مسلسل محنت کرنی چاہیے۔”

بابراعظم نے کہا کہ وہ ٹیم کی کارکردگی سے خوش ہیں۔

“وہ کریڈٹ کے مستحق ہیں، لیکن بہتری کی گنجائش ہمیشہ رہتی ہے۔”