کیا آپ جانتے ہیں کہ اس وقت دنیا کا سب سے مہنگا اور سستا ترین فون کون سا ہے؟
موبائل فون آج کے دور میں ہماری زندگی کا ایک بنیادی حصہ بن چکے ہیں۔ اس وجہ سے مختلف کمپنیاں جدید خصوصیات اور منفرد ڈیزائنز کے ساتھ نئے فونز متعارف کرتی رہتی ہیں۔
جیسا کہ دیگر مصنوعات کی دنیا میں ہوتا ہے، فونز کی مارکیٹ میں بھی مہنگے ترین اور سستے ترین ماڈلز موجود ہیں۔
دنیا کا سب سے مہنگا موبائل فون "فالکن سپرنووا آئی فون 6 پنک ڈائمنڈ” ہے، جس کی قیمت 48.5 ملین ڈالر ہے۔
یہ فون 24 قیراط سونے سے تیار کیا گیا ہے اور اس کی پشت پر ایک بڑا گلابی ہیرا جڑا ہوا ہے۔ یہ مہنگا فون ایشیا کے امیر ترین شخص مکیش امبانی کی اہلیہ نیتا امبانی کے پاس ہے۔
دوسری طرف، اگر ہم دنیا کے سستے ترین فون کی بات کریں تو وہ "فریڈم 251” ہے، جسے ایک بھارتی کمپنی نے متعارف کیا۔ اس کی قیمت صرف 251 بھارتی روپے ہے، جو کہ 4 ڈالر سے بھی کم ہے۔
