حج 2024 میں پاکستانی حجاج کی سہولتوں میں مزید اضافہ ہو گا۔ یہ بات وزیر مذہبی امور انیق احمدنے سعودی عرب کے دارالحکومت ریاض میں سعودی ہم منصب سے ملاقات کے دوران کہی۔ تفصیلات کے مطابق وزیر مذہبی امور انیق احمد نے ریاض میں سعودی وزیر حج و عمرہ ڈاکٹر توفیق بن فوزان الربیعہ سے حج انتظامات کو حتمی شکل دینے کے لیے ایک اجلاس میں پاکستان کی نمائندگی کی۔اجلاس میں سعودی عرب میں تعینات پاکستانی سفیر احمد فاروق اور نائب سفیر معظم خان بھی موجود تھے۔
وزیر مذہبی امور انیق احمد نے کہا کہ حج 2024 میں پاکستانی حجاج کی سہولتوں میں مزید اضافہ ہو گا۔ حجاج کیلئے رہائش، خوراک اور سفری سہولیات کو جلد از جلد حتمی شکل دی جائے گی۔ انہوں نے سعودی وزیر ڈاکٹر توفیق الربیعہ سے کہا کہ پاکستانی حجاج کے فلائٹ شیڈول کو جلد حتمی شکل دی جائے۔ مشاعر مقدسہ میں پاکستانی حجاج کو نزدیکی مکاتب فراہم کیے جائیں ۔ روڈ ٹو مکہ پراجیکٹ اسلام آباد کے علاوہ دیگر شہروں سے بھی شروع کیا جائے۔ انہوں نے خادم حرمین شریفین اور سعودی ولی عہد شہزادہ محمد بن سلمان کی سرپرستی میں وزارتِ حج و عمرہ کی جانب سے حجاج کو بہترین سہولیات مہیا کرنے کی کوششوں کو سراہتے ہوئے ڈاکٹر توفیق کا شکریہ ادا کیا۔
سعودی وزیر حج و عمرہ ڈاکٹر توفیق بن فوزان الربیعہ نے کہا کہ سعودی حکومت پاکستانی حجاج کو پہلے سے بڑھ کر تعاون پیش کرے گی ۔ حجاج کو بہترین سہولیات کی فراہمی کیلئے متعدد نئے اقدامات اٹھائے ہیں۔ دنیا بھر کے 80 ممالک سے نجی ٹور آپریٹرز کی تعداد محدود کر دی ہے۔ تمام پرائیویٹ ٹور آپریٹر کیلئے حجاج کی کم از کم تعداد 2 ہزار مقرر کی گئی ہے۔ روڈ ٹو مکہ پراجیکٹ میں کراچی اور لاہور کو شامل کرنے پر غور کیا جا رہا ہے۔ روڈ ٹو مکہ پراجیکٹ کی دیگر شہروں تک توسیع بتدریج کی جائے گی۔
انہوں نے کہا کہ پاکستان سے حجاج کی بڑی تعداد آتی ہے؛ ان کی خدمت کرنا باعث شرف ہے۔ پاکستان حجاج کو اپنے ہر ممکن تعاون کا یقین دلاتے ہیں۔ پاکستان سے محبت لازوال ہے ؛ باہمی تعلق کو بہتر سے بہتر کرنا چاہتے ہیں۔ پاکستان کے دورہ اور حالیہ ملاقات کا مقصد حج کے انتظامی امور کو قبل از وقت مکمل کرنا ہے۔
کاغذات نامزدگی مسترد ہونے پر صنم جاوید سمیت دوسرے کارکنوں نے بھی فیصلہ ہائی کورٹ میں چیلنج کر دیا۔تفصیلات کے…
پاکستان میں بے روزگاری عروج پر ہے۔ ایسے میں فری لانسنگ کا رجحان تیزی اختیار کر گیا، خاص کر کورونا…
پاکستان تحریک انصاف (پی ٹی آئی) کے بانی عمران خان اڈیالہ جیل میں قید ہیں جہاں ان کے خلاف مقدمات…
زراعت کا ملکی معیشت میں اہم کردار ہے۔ زراعت کا تعلق کسان سے ہے۔ اگر کسان خوشحال ہو گا تو…
سپریم کورٹ کے جج جسٹس مظاہر علی نقوی نے استعفیٰ دے دیا ہے۔ میڈیا رپورٹس کے مطابق سپریم کورٹ کے…
بھارتی گلوکارہ شریاگھوشال پاکستانی سنگر علی ظفر کی فین ہیں، انہوں نے خود اعتراف کر لیا کہ وہ علی ظفر…